Үндістанда коронавирус жұқтырған саны күрт көбейді

Үндістанда коронавирус жұқтырған саны күрт көбейді, деп хабарлайды Almaty.tv.

Осыдан бірнеше күн бұрын ғана билік өкілдері жағдайдың бақылауда екенін айтқан еді. Қазіргі уақытта ауруханаларда орын жетіспей жатыр. Оның үстіне нарықта дәрілердің жалған түрлері пайда болған. Ал Испания елге кіргізілмейтін елдер тізімін көбейтті. Корольдік билігінің ойынша, Оңтүстік Америка мен Африка және Бразилия мемлекеттерінен келетін адамдар коронавирустың жаңа штаммын әкелуі мүмкін. Сондықтан әуежайдағы шектеу шаралары күшейтілді. Бүгінде әлемнің 142 миллионнан астам адамы аталған дертке шалдыққан. Алғашқы бестікте АҚШ, Үндістан, Бразилия, Франция мен Ресей тұр. 3 миллоннан астам науқас аурудың құрбаны болды.