Бақытжан Сағынтаев Алматыда өкпені жасанды желдететін қанша аппарат бар екенін хабарлады

tengrinews.kz

Бүгінгі таңда Алматыдағы барлық медициналық ұйымдарда шамамен 600 өкпені жасанды желдететін аппарат бар

Баспасөз конференциясының барысында Алматы қаласының әкімі Бақытжан Сағынтаев Алматыда стационарлы ауруханаларда құралдардың қажетті резерві бар екенін хабарлады, деп хабарлайды Almaty.tv қалалық әкімдіктің баспасөз қызметіне сілтеме жасап.

Бүгінгі таңда Алматыдағы барлық медициналық ұйымдарда шамамен 600 өкпені жасанды желдететін аппарат бар.

«ӨЖЖ аппараттарына қол жетімділік мәселесі бойынша бүгінгі таңда 25 аппарат жұмыс істеуде, қосымша 30 аппарат бар. Жақын арада тағы 70 ӨЖЖ аппараты жеткізіледі деп күтілуде. Осылайша қажетті резерв қалыптастырылды, — деп атап өтті Бақытжан Сағынтаев. — ӨЖЖ тапшылығы немесе жетіспеушілігі жоқ».