Алматыда Ashyq жобасының арқасында «қызыл» мәртебесі бар 5500-ден астам тұрғын анықталды

Алматыда Ashyq жобасының арқасында «қызыл» мәртебесі бар 5500-ден астам тұрғын анықталды. Бұл мәліметтерді Алматы қаласы кәсіпкерлер палатасының директоры Айтуар Қошмамбетов Өңірлік коммуникациялар қызметінің баспасөз конференциясында айтты, деп хабарлайды Almaty.tv тілшісі.

Алматы қаласы кәсіпкерлер палатасының директоры бұл жоба санитарлық-эпидемиологиялық қауіпсіздік мәселелерінде өзінің тиімділігін көрсететінін атап өтті. Алматы қаласы санитарлық-эпидемиологиялық бақылау департаментінің мәліметтері бойынша 2021 жылдың 9 сәуірінен 17 тамызына дейін сканерлеу нәтижесінде 5515 тұрғынның «қызыл», «сары» - 735 мәртебесі расталды.

Барлығы 12 сәуірден бастап Қазақстанда 56 893 «қызыл» және 20 774 «сары» келушілер анықталды, яғни 77 600-ден астам карантинді бұзушылар.

«Жалпы алғанда, Ashyq жобасына қатысушыларды кеңінен қамтудың арқасында өзін-өзі оқшаулау режимін бұзушыларды анықтау көрсеткіші 15 есеге өсті. Күн сайын республика бойынша «қызыл» мәртебесі бар 2000-нан астам келуші анықталады», – деді А. Қошмамбетов.

Сонымен қатар, ол 1 қыркүйектегі жағдай бойынша 281 объектінің Алматыдағы жобаның көшбасшылары екенін айтты. Жетекші кәсіпорындар уақытша үлкен артықшылықтармен жұмыс істейтіні баршаға мәлім. Алайда, тіркелмесе, мәртебеден айырылу оңай. Алдымен статус 1 аптаға, қайталап бұзылған жағдайда - 2 аптаға және үшінші рет бұзылған жағдайда - 1 айға тоқтатылады.

«Шектеу және карантиндік шараларды бұзған жобаға қатысушыларға әкімшілік шаралар қолданылуда. Бұл жерде айта кету керек, Алматы қаласында «қызыл» мәртебесі бар 870 адамға жеке оқшаулау режимін бұзғаны үшін 30 АЕК мөлшерінде айыппұл салынды», – деді А. Қошмамбетов.

Кәсіпкерлер палатасының директоры бүгінде кәсіпорындардың вакцинацияланған қызметкерлерін тексеру алгоритмі бекіту сатысында тұрғанын айтты.

«Бизнес және мүдделі мемлекеттік органдармен бірқатар талқылаулар жүргізілді. Вакциналанбаған жұмысшылар анықтағалған соң кәсіпкерге санитарлық -профилактикалық іс -шаралар жүргізу туралы қаулы шығарылады деп жоспарлануда. Содан кейін, қайта сәйкестендіру кезінде кәсіпкерді әкімшілік жауапкершілікке тарту мәселесі қаралады», – дейді А. Қошмамбетов.