Жексенбі, 31 қаңтар күн елорданың Бас мемлекеттік санитарлық дәрігерінің қаулысына сәйкес, қалада және қала маңына қатынайтын автобустардың қозғалысы тоқтайды, деп хабарлайды Almaty.tv тілшісі ҚазАқпаратқа сілтеме жасап.
Нұр-Сұлтан әкімдігінен мәлім еткендей, бұл күні дезинфекциялық жұмыстар жүргізіледі. Дүйсенбіде барлық бағдарлар штаттық режимде қатынай бастайды.
Еске салайық, карантин талаптарының күшейтілуіне байланысты автобусқа бетпердесіз кіруге болмайды.
Жол ақысы қолма-қол ақшасыз төленеді. Елорда стационарларында коронавирусқа шалдыққандар санының артуына байланысты медицина қызметкерлері тұрғындарға үндеу жасап, санитарлық нормаларды сақтау қажеттігін еске салды.
