Алматының КВИ жұқтырған тұрғындары қоғамдық тамақтану орындары мен СОСО-ға кіруге тырысады

Алматыда өткен аптада 14 күн бойы карантин шектеулерін сақтауға тиіс 200-ден астам адам қоғамдық тамақтану нысандарына баруға және еліміздің басқа өңірлеріне ұшуға тырысты. Бұл туралы Өңірлік коммуникациялар қызметінде өткен брифингте Алматы қаласының бас санитарлық дәрігері Жандарбек Бекшин айтты, деп хабарлайды Almaty.tv

QR-кодты Ashyq жүйесі арқылы сканерлеу кезінде қоғамдық тамақтану орындарында 94 алматылық «қызыл» және 24 алматылық «сары» мәртебесін анықтады. Олардың барлығы кафе мен мейрамханаларға кіруге тырысты.

«Неліктен біз қоғамдық тамақтану орындарына бару  уақытын шектедік? Бұл қала тұрғындарының бір-бірімен ұзақ уақыт байланыста болып, 5-6 сағат мейрамхана мен кафелерде болуына байланысты. Түнгі клубтарда таң атқанға дейін болатын келушілер бар. Егер мекеме тапсырыс бойынша жұмыс істесе,  бұл басқа мәселе»,– деп түсіндірді  Ж. Бекшин.

Сондай-ақ, ауру жұқтырған алматылықтар осы аптада СОСО-ға баруға тырысты.  «Қызыл»мәртебесі бар 33 тұрғын және «сары» мәртебесі бар 14 адам тіркелген.

«Басқа өңірлерге «қызыл» мәртебесі бар 29 тұрғын және «сары» мәртебесі бар төрт тұрғын ұшқысы келді. Олар әуежайда Ashyq  жүйесін сканерлеу кезінде анықталды. Тексерудің арқасында вирус жұқтырғандар мен байланыс жасағандардың ұшақ салонына өтуіне жол берілген жоқ»,– деді Ж. Бекшин.

Төртінші орынға фитнес-орталықтары кіреді. Онда сегіз «қызыл» және бір «сары» мәртебе анықталды. Сондай-ақ, бес кинотеатр жабылды. Онда бір апта ішінде "қызыл" мәртебесі бар төрт келуші анықталды.

Сонымен қатар Ж. Бекшин кәсіпкерлер қатарындағы Ashyq жобасының барлық қатысушылары келушілерді тексеруге жауапкершілікпен қарайтынын айтты. Сондай-ақ қосымша орнатылған нысандарда 115 қала тұрғыны ауру жұқтырды. Тексеру қорытындысы бойынша жобадан 300 қатысушы кәсіпкер шығарылды. Мекемеге кірген кезде келушілердің QR-кодтарын сканерлеу жүзеге асырылмағаны үшін жобаға кірмеуі де мүмкін.

Бас санитарлық дәрігер жобаның адал қатысушыларына алғысын білдіріп, барлық кәсіпкерлерді жұмысқа жауапкершілікпен қарауға шақырды. Кәсіпкерлердің заң бұзушылықтары анықталған жағдайда Ashyq жүйесінен шығарып қана қоймай, нысанның жұмысын тоқтатады.

Ж. Бекшин Алматы тұрғындары мен қонақтарын қоғамдық орындарға, әсіресе демалыс орындарына барған кезде әлеуметтік қашықтықты сақтауды өтінді. Ал КВИ-мен амбулаторлық емделіп жатқан немесе олармен байланыста болған қала тұрғындары жауапкершілік танытуға, карантин ережелерін сақтауға және жақындарына қауіп төндірмеуге тиіс. Жергілікті атқарушы органдар өз кезегінде саябақтарды, гүл бақтарын және басқа да қоғамдық орындарды дезинфекциялау режиміне назар аударады.

Ж. Бекшин Алматыда соңғы 23 күнде коронавирусты жұқтырудың 14 501 жағдайы тіркелгенін айтты. Сонымен қатар эпидемиолог пен вирусологтар “лямбда” сияқты басқа штамдардың пайда болуын күтеді. Осыған орай Алматының  бас санитарлық дәрігері қала тұрғындарын қалыптасқан қазіргі  күрделі жағдайға барынша жауапкершілікпен қарауға, басқаларға жұқтырмау үшін  қорғануға, міндетті түрде бетперде тағып, әлеуметтік қашықтық пен гигиена талаптарын сақтауға шақырды.