Меншікті өндіріс
Біз әлеуметтік желілердеміз
Чехияда коронавирус жұқтырғандар саны артты
Пандемия басталғаннан бері Чехияда 23 777 адам СOVID-19 жұқтырды
Чехияда өткен тәулікте коронавирус инфекциясын жұқтырудың 486 дерегі тіркелді. Бұл - пандемия басталғаннан бергі екінші ең жоғары көрсеткіш, деп хабарлайды Tengrinews.kz РИА Новости агенттігіне сілтеме жасап.
Ақпарат агенттігінің мәліметінше, осыған дейінгі рекорд 21 тамызда тіркелген. Сол уақытта 503 адам СOVID-19 жұқтырған.
«Өткен тәулікте коронавирус жұқтырудың 486 жаңа дерегі тіркелген. Бұл – пандемия басталғаннан бергі екінші ең жоғары көрсеткіш. Республикада 5 861 адам коронавирус жұқтырды. Оның 139-ы ауруханада жатыр әрі 32 науқастың жағдайы ауыр», – делінген хабарламада.
Пандемия басталғаннан бері Чехияда 23 777 адам СOVID-19 жұқтырды. 17 497 науқас дертінен айықты, 419 адам қайтыс болды.