Италияда коронавирус қайта өршіп жатыр

Италияда коронавирус қайта өршіп жатыр, деп хабарлайды Tengrinews.kz РИА Новостиге сілтеме жасап.

Дереккөз мәліметінше, Италияда кейінгі тәулікте коронавирус жұқтырғандар саны рекорд орнатты. Бұл көрсеткіш 31 758-ге жетті. Бір күн бұрын бұл көрсеткіш 31 084 болған екен.

Әлемде осымен екінші күн COVID-19 жұқтырғандар саны рекорд орнатты.

Денсаулық сақтау министрлігі мен жоғары Денсаулық сақтау институтының (ISS) апталық баяндамасына қарағанда, инфекцияның таралу индексі Италия бойынша орташа есеппен 1,7-ге жетті. Италияның 20 аймағының 11-інде инфекцияның таралу қаупі өте жоғары екені айтылады.