Алматы қаласында коронавирус індетінен тағы бір науқас көз жұмды

Алматыда коронавирус індетінен тағы бір науқас көз жұмды, деп хабарлайды Almaty.tv.

Марқұм 1961 жылы туған әйел адам. Өлім нәтижелерін зерттеу жөніндегі комиссия бұл жағдайды коронавирус инфекциясынан қайтыс болған деп тіркеуге шешім қабылдаған.

Ал, Қазақстанда аты жаман ауруға шалдыққандардың жартысынан көбі жазылып шықты. Соңғы мәліметтерге сүйенсек, қауіпті дертті жеңгендер саны ел аумағында 3 мың 373 адамға жеткен. Елордада 596 болса, Алматыда 930. 

Ал, Шымкентте бұл көрсеткіш 196. Жалпы,СOVID-19 инфекциясын 6 мың 440 азамат жұқтырған. Өкінішке қарай, 35 отандасымыз кеселдің кесірінен көз жұмды.