Меншікті өндіріс
Біз әлеуметтік желілердеміз
Алматыда өткен тәулікте тағы да карантин талаптарын бұзғандар анықталды
30.05.2021 00:48
Мониторингтік топ өкілдері Медеу ауданының «Bacha» және «Френдли» деген екі түнгі клубында бұзушылықтар анықталды
pricom.kz
Алматының 40 мониторингтік тобы күнделікті қоғамдық тамақтану нысандарын, компьютерлік клубтарды, караоке және дүкендерді тексереді. Мамырдың 28-нен 29-на қараған түні қалада белгіленген шектеулердің 12 бұзушылығы анықталды, деп хабарлайды Almaty.tv.
Тексерушілер хабарлағандай, 4 бұзушылық Алмалы ауданында анықталды, Әуезов және Бостандық аудандарында үш бұзушылық, Медеу ауданында екі бұзушылық анықталды.
Анықталған бұзушылықтардың жалпы санынан 8 нысан мейрамханаларға, дәмханалар мен дүкендерге, біреуі компьютерлік клубқа, бір караоке клуб және екеуі түнгі клубқа жатады. Аудандардың Полиция басқармаларына 10 адам жеткізілді.
Мониторингтік топ өкілдері Медеу ауданының «Bacha» және «Френдли» деген екі түнгі клубында бұзушылықтар анықталды. Әрбір мекемеде 60 келушіден болған. Карантин бұзушыларымен түсіндіру жұмыстары жүргізілді, ал көңіл көтеру мекемелерінің иелеріне қатысты әкімшілік хаттамалар толтырылды.
Алматы әкімдігінде карантин бұзушылықтарын анықтау жұмыстары осы демалыстарда жалғасады деп хабарлады. Халыққа карантин режимін сақтауға: адамдар көп жиналатын жерлерге барудан аулақ болуға, бетперде режиміне бей-жай қарамай, әлеуметтік қашықтықты сақтауға барынша байыппен қарау керек.
Сонымен бірге, мониторингтік топтар Ashyq жобасы бойынша жұмыс істейтін нысандарды олардың санитарлық-эпидемиологиялық нормаларды сақтауына тексеретін болады.