COVID-19 инфекциясы анықталған науқастың бірі «Теңіз» кенішінде жұмыс істеген

kapital.kz

Вирус жұқтырған әйел инфекциялық изоляторға жатқызылған

Атырау облысында COVID-19 инфекциясы анықталған науқастың бірі «Теңіз» кенішінде жұмыс істеген, деп хабарлайды Almaty.tv.

Өңірлік коммуникациялар қызметінің хабарлауынша, 50 жастағы әйел «Теңізшевройл» компаниясына қарасты мердігер мекеменің бірінде қызмет етіп, «Ватернас» вахталық қалашығында тұрған. Өз кезегінде аталған мекеменің баспасөз қызметінің мәліметінше, бұл оқиға өндірістік жұмысқа әсер етпейді және компания қызметкерлерін вирустан қорғау үшін барлық жағдайды жасап отыр деді. Вирус жұқтырған әйел инфекциялық изоляторға жатқызылған. Онымен қарым-қатынас жасаған адамдар анықталып, оқшауланып жатыр.