Белгілі спорт журналисі Амангелді Сейітхан коронавирус індетінен қайтыс болды

ашық дереккөзден

Қаралы хабарды «Хабар» және «Хабар 24» телеарналарының Алматы облысындағы меншікті тілшісі Ардақ Айбарұлы жеткізді

Белгілі спорт журналисі, комментатор Амангелді Сейітхан коронавирус індетінен қайтыс болды, деп хабарлайды Almaty.tv. Қаралы хабарды «Хабар» және «Хабар 24» телеарналарының Алматы облысындағы меншікті тілшісі Ардақ Айбарұлы жеткізді.

Ол өзінің фейсбук әлеуметтік желісіндегі парақшасында:

«Бұл ажал дегенге шара бар ма? Белгілі спорт комментаторы Амангелді Сейітхан ағамыздан айырылып қалдық. Мына аты жаман індет ешкімді аямады-ау. Не дерімді білмей отырмын. Дүние - жалған деген осы. Отбасы, туған-туыс, дос-бауырларына қайғыра көңіл айтамын. Иманды болыңыз, жездеке!» – деп жазады.