Алматыда коронавирустан ем қабылдаған тағы екі науқас шығарылды, деп хабарлайды Almaty.tv.
«Бүгін екі ер адам қалалық жұқпалы аурулар ауруханасынан шығарылды. 1962 жылы туған азамат 13 наурызда Берлин — Минск — Алматы чартерлік рейспен келген болатын. Ал 1995 жылы туылған екінші жігіт 15 наурызда Сеул-Алматы рейсімен келді», – деді қалалық Қоғамдық денсаулық басқармасының басшысы Тілеухан Әбілдаев.
Қазіргі таңда мегаполисте бес науқас сауығып шықты. Олардың біреуі 12 жасар бала. Олардың барлығы медицина қызметкерлерінің бақылауында 14 күндік үй карантинінде болады.
