Алматыда лаңкестік пен тонауға қатысы бар 2 601 адам ұсталды

Алматы комендатурасында қаладағы жағдай бойынша жаңа ақпарат жарияланды, деп хабарлайды Almaty.tv.

Комендатура мәліметінше, террорға қарсы операция басталғаннан бері лаңкестік, тонау және басқа да қылмыстардың 2 601 қатысушысы ұсталып, 127 бірлік атыс қаруы мен 4 077 оқ-дәрі тәркіленді.

Өткен тәулікте «102» басқару пультіне небәрі 329 хабарлама келіп түсті.

Комендатураның Call-орталығына азаматтардан жедел әрекет етуді талап ететін 48 дабыл түсті. Барлық хабарлама өңделді.