Атырау облысында екі сәбиін сатқан әйел ұсталды

Атырау облысында екі сәбиін сатты деген күдікті әйел ұсталды, деп хабарлайды Almaty.tv тілшісі Polisia.kz телеграм-арнасына сілтеме жасап.

Атырау облысы ПД Ұйымдасқан қылмысқа қарсы іс-қимыл басқармасының қызметкерлері жедел-іздестіру шараларын жүргізу барысында 2021 жылғы және 2022 жылғы сәбилерін сатқан 1991 жылы туған БҚО-ның тұрғынын анықтады.

"Дерекке қатысты ҚК-тің 135-бабы 1-бөлігімен соталды тергеп-тексеру басталды. Күдікті анықталып, қазір тергеу әрекеттері жүргізіліп жатыр. Өзге ақпарат ҚПК-нің 201-бабына сәйкес жариялануға жатпайды", - делінген хабарламада.