Алматы полициясы алаяқтардың жалған телефон нөмірлерін пайдаланатынын ескертеді, деп хабарлайды Almaty.tv тілшісі Алматы қаласының Полиция департаментінің баспасөз қызметіне сілтеме жасап.
Қаланың криминалдық полициясы ескерткендей, арнайы техника интернет-трафикті пайдалана отырып, басқа елдерден келген қаскөйлер виртуалды нөмірге ие болатын белгілі бір сайтқа қосылады.
"Олар әртүрлі веб-сайттарда, әлеуметтік желілерде және қызмет көрсету платформаларында тіркелу үшін жеке деректері мен абоненттік нөмірлерін жасыру мақсатында физикалық түрде SIM-box ұяшықтарында болады. Алаяқтар виртуалды SIM-box нөмірлерін пайдаланып, аңғал азаматтарды алдайды: олар жеке кабинетті тіркей отырып, кез-келген өнімді сату туралы әртүрлі жарнамаларды жариялайды, содан кейін сатып алушы қызығушылық танытса, шетелдік банк карталарын ұсына отырып, алдын ала төлем жіберуін сұрайды. Алайда ақшаны алған бойда, олар жасырынып, жарнаманы өшіреді", – дейді Алматы қалалық полиция департаменті бастығының орынбасары Дидар Аханов.
Екінші әдіс – TikTok әлеуметтік желісін пайдалану арқылы болып тұр. Мұнда аңғал азаматтарға Whatsapp мессенджерінде құрылған (SVIP, VIP) топтарына қосылу ұсынылады. Тіркеу кезінде SIM-box виртуалды нөмірлерін пайдалана отырып, олар белгілі бір сомаға тауар сатып алуды ұсынады, содан кейін бұл сома банк картасына екі еселенген мөлшерде қайтарылады деп сендіреді. Осыған байланысты Алматы қаласы полиция департаменті интернет-алаяқтық деректерінің көбейіп бара жатқанын ескертіп, азаматтарды онлайн қызметтерді алуда, интернет арқылы тауар сатып алуда сақ болуға шақырады.
Оқи отырыңыз: Шымкентте аса ірі мөлшерде есірткі тасымалдағандар ұсталды
