Жалған түбіртек: «Қазпошта» бөлімшесіндегі кассирдің айласы әшкере болды

Алматы облысындағы «Қазпошта» бөлімшесінің кассирлері 84 млн теңге мемлекеттік бажды жымқырған, деп хабарлайды Almaty.tv.

Қаржылық мониторинг агенттігінің мәліметінше, Жамбыл ауданының қызметкерлері көші-қон қызметіне жалған ақпарат енгізілген түбіртекті ұсынып отырған. Осылайша мемлекеттік баждың бір бөлігін иемденіп, аса ірі мөлшерде шығын келтірген. Аталған дерек бойынша сотқа дейінгі тергеп-тексеру жалғасып жатыр.

– Тергеп тексерумен Алматы облысы Жамбыл ауданының халыққа қызмет көрсету бөлімінде қызмет көрсететін «Қазпошта» АҚ кассирлері 2021-2023 жылдар аралығында паспорт және жеке куәлікті рәсімдеу барысында мемлекеттік баждың бір бөлігін иемденіп отырғаны анықталды. Көші-қон қызметіне баж соммасы жайлы көрінеу жалған ақпарат енгізілген түбіртекті ұсынып, мемлекетке 84 млн теңгеден аса шығын келтірген, – деді ҚР Қаржылық мониторинг агенттігінің ресми өкілі Әлібек Әбділов.

Оқи отырыңыз: СҚО-да трактор мен жеңіл көлік соқтығысты