Лаңкестер Қожа Ахмет Ясауи кесенесін жармақ болған - ҰҚК

Лаңкестер Түркістандағы Қожа Ахмет Ясауи кесенесін қолдан жасалған жарылғыш құрылғымен жармақ болған. Бұл туралы ҚР ҰҚК төрағасының орынбасары Руслан Сейсембаев мәлім етті, деп хабарлайды Almaty.tv.

- Қазақстанда террористік қауіп тұрақты түрде сақталып отыр. Жыл сайын кем дегенде 2 террористік шабуылдың алды алынады. Биыл Түркістандағы Қожа Ахмет Ясауи кесенесін қолдан жасалған жарылғыш құрылғымен жарудың жолы кесілді. Сондай-ақ Астанада адамдар жаппай жиналған жерде қарулы шабуыл жасау әрекеті тоқтатылды. Бізге келіп түскен ақпарат «ШЫҰ-ға мүше мемлекеттер үшін террористік қатерлердің қалыптасуы бірқатар үстем фактордың әсерінен болады» деген қорытынды жасауға мүмкіндік береді, - деді Руслан Сейсембаев Астанада өтіп жатқан ШЫҰ отырысында.

Айта кетейік, бүгін елордада Қазақстанның төрағалығымен Шанхай ынтымақтастық ұйымының (ШЫҰ) өңірлік терроризмге қарсы құрылым РАТС кеңесінің 40-отырысы өтіп жатыр

Дереккөз: ҚазАқпарат