Талдықорғанда есірткіге қарсы арнайы операция өтті

Талдықорғанда есірткіге қарсы арнайы операция өтіп, 31 жастағы адам ұсталды, деп хабарлайды Almaty.tv тілшісі.

Полиция азаматты мефедрон сату кезінде қолға түсірген. Кейін оның үйін тінту кезінде шамамен 8 мың дозаны құрайтын 80 грамм синтетика және тіркелмеген мылтық мен оқ-дәрінің түр-түрі тәркіленді. Сондай-ақ күдіктінің есірткіні интернет арқылы сатқаны да белгілі болды.

«Тіркеуде жоқ шолақ және 2 ұңғылы қару мен 20-дан астам оқ-дәрі тәркіленді. Қазір күдікті ұстау изоляторына қамауға алынып, тиісті сараптамалар тағайындалып, тергеу амалдары жүргізілуде», – деді Полиция департаментінің ресми өкілі Әбілтай Әбенов.