Жамбыл облысында оқушы өлімін жасырды деген айыппен мектеп басшылығы, оның орынбасары мен ұстазына қатысты қылмыстық іс қозғалды, деп хабарлайды Almaty.tv.
Еске салсақ, 30 сәуірде Байзақ ауданы Құмжота ауылындағы орта мектепте 9-сынып оқушылары 8 оқитын ұлдарды даладағы дәретханаға кіргізіп ұрған. Салдарынан оқиға орнында бір жеткіншек жан тапсырған. Ағарту ошағының қызметкерлері алғашқыда «оқушының жағдайы дене шынықтыру сабағынан соң нашарлап жүрегі тоқтады» деп мәлімдеген. Бірақ сот-медициналық сараптамасынан соң, кәмелетке толмаған баланың кеуде тұсына тиген соққыдан қаза болғаны анықталды. Қазір полиция тарапынан қылмыстық іс жүргізіліп жатыр. Ал әлімжеттік жасаған 15 жастағы күдікті қамауға алынған.
– Негізі факт тергеу амалдары бойынша анықталады. Кім кінәлі? Директор, орынбасары, әлде мүғалім бе? Кінәлілер 6 жылға бас бостандығынан айырылуы мүмкін, – деді облыс прокурорының аға көмекшісі Шовкат Таштамиров.
Оқи отырыңыз: Әлімжеттілік: оқушы өліміне қатысты бар 2 күдікті қамауға алынды
