«Апорт» ойын-сауық орталығы маңынан ер адамның мүрдесі табылды

«Апорт» ойын-сауық орталығы маңынан ер адамның мүрдесі табылды. Алдын-ала болжам бойынша, 49 жасар азаматқа қастандық жасалған болуы мүмкін. Алған жарақат салдарынан ол оқиға орнында жан тапсырған. Қазір қылмыс болған жерде жедел тергеу жұмыстары жүргізіліп жатыр, деп хабарлайды Almaty.tv.

«Бұл азаматтың аты-жөні бірден анықталды. Ол Алматы облысы Талғар ауданының тұрғыны болып шықты. 72-жылы туылған. Алматыда жұмыс істейді екен. Қазіргі таңда болған қылмыстың нағыз себеп-салдарын анықтайтын боламыз және осы қылмысқа қатысы бар тұлғаларды жауапкершілікке тартамыз. Қылмысты ашу үшін арнайы тергеу тобы құрылды», – деді  қалалық ПД ресми өкілі Салтанат Әзірбек.