Қасым-Жомарт Тоқаев кіші қажылығын өтеді

24 шілдеде Қасым-Жомарт Тоқаев қасиетті Мекке қаласында кіші қажылық жасады, деп хабарлайды Almaty.tv.

"Қағбаның есігі ерекше жағдайларда және мәртебелі қонақтар үшін ғана ашылады. Мемлекет басшысы Сауд Арабиясы басшылығының тарапынан зор құрметке бөленіп, Қағба ішіне кіру мәртебесіне ие болды", - деп хабарлайды Мемлекет басшысының баспасөз қызметі.

Еске сала кетейік, Қазақстан Президенті Сауд Арабиясының Королі Салман бен Әбделазиз Әл Саудтың шақыруымен ресми сапармен келген.