Отандық танымал әнші Төреғали Төреәліге ән арнаған жас әнші жұртты ойландырып қойды. Бота Хамит есімді ару «Ұлы дала баласын» өз әніне қосқан.
Жақында ғана ұлды болған әншіге арналған ән Instagram желісіндегі @Agugai парақшасында жарияланған.
«Төреғали Төреәлі» деп аталатын әуеннің сөзі әзіл аралас жазылған сыңайлы.
Себебі, әнде «Оның есімі - Төреғали Төреәлі. Соның кесірі, жаным әлі жаралы. Әнге салайын, бала махаббат енді, Жаным, ағайын, кешіріңдер қатемді», - деген жолдар бар.
Бұл өлеңнің үзіндісін тыңдаған жұрт жас әншіні сынап тастаған.
«Осындай да ән болады екен», «Қой, оның әйелі бар», «Дауысы жоқ», «Не болса соны әндетіп айта беретін болды ғой», «Сен ән айтпай-ақ қойшы», «Енді Қайрат Нұртас, Ернар Айдар дегендер шығады» - деп жазған олар.
