Алматылықтарға әр сенбі сайын ашық аспан астында кино ұсынылады

Алматылықтар мен қала қонақтары шаһардың әрбір ауданында ашық аспан аясында кино тамашалауда. 10 шілдеде басталған шараға екі мыңнан көп көрермен келген. Бүгінге дейін 4 фильм көрсетілген. Бұл жолы келушілерге «Салам, Нью-Йорк» картинасы ұсынылды, деп хабарлайды Almaty.tv тілшісі.

«Аталған шараның басталғанына 4 апта болды. Тамыз айы бойы жалғасын табады. Ендігі жұмадан бастап біздің жобамыз кеңейіп жатыр. Оның да графигі жақында жария болады», – деді «Алматы бас жоспар» ғылыми-зерттеу институты басшысының орынбасары Қуат БАЙЫРОВ.

Айта кетейік, алматылықтар әр сенбі сайын отандық кинотуындыларды да тамашалай алады. Тұрақты өтетін жері:  Абай даңғылы, Гагарин мен Жароков көшелерінің ортасында.  Толық ақпаратмен Q-Lab қалалық жобалар зертханасының фейсбуктағы парақшасынан таныса аласыздар.