Биыл Халық қаһарманы Роза Бағланованың туғанына 100 жыл

Биыл Халық қаһарманы Роза Бағланованың туғанына 100 жыл. Осыған орай күміс көмей әншінің көзін көргендер Алматыда ас берді, деп хабарлайды Almaty.tv.

Сыр өңірінде туған әнші өнер жолын Ташкент филармониясының ән-би ансамблінде бастаған. Кейіннен Қазақ опера және балет теартының, Қазақ филармониясы мен Қазақконцерттің әншісі болып, ұлттық ән өнерін дамытты. «Анамыздың өнерін өлтірмеу – перзенттік борышымыз» деген қайраткердің ұрпақтары ел анасына арнап құран бағыштады. Мерейтойлық іс-шара жыл бойы жалғасады.

«Күзде Мәскеуде, сосын Парижде атап өтеміз, соған дайындық болып жатыр. Қазалыда, апаның туған жерінде үлкен той ұйымдастырылайын деп жатыр», – деді Р. Бағланованың келіні Марал Бағланова.