Қазақтың тарихи құнды жәдігерлері елге қайтарыла ма

Мәдениет және ақпарат министрі Аида Балаева ресейлік әріптесі Ольга Любимовамен кездесіп, Қазақстанға тарихи жәдігерлер мен мәдени құндылықтарды қайтару мәселесін талқылады, деп хабарлайды Аlmaty.tv тілшісі gov.kz-ке сілтеме жасап. 

Екіжақты кездесу Санкт-Петербургте өтіп жатқан IX Халықаралық мәдени форум аясында өтті. Санкт-Петербургте өтіп жатқан IX Халықаралық мәдени форумға 30 елдің мәдениет министрлері мен 56 ресми делегация басшылары қатысып жатыр. Сонымен қатар аталған кездесуде "Қазақфильмге" қатысты Ресейдің Мемлекеттік кино қорының мұрағаттарын тапсыру тақырыбы да қозғалды.

 - Қазақстан Мемлекет басшысының "Ел бірлігі – оның әралуандығында" қағидатын ұстанады. Біз осы диалог алаңына келген елдердің көбімен тарихымыз ортақ. Біз мұны мақтан тұтамыз. Ғасырлар бойы тығыз байланыста өмір сүру арқылы ұлтымыз мәдениеттің өзіндік ерекшелігін жинақтауға және дамытуға мүмкіндік алды. Министр мәдениет саласының мемлекетаралық диалогты дамытуға, екіжақты қатынастарды нығайтуға елеулі үлес қосатынын тілге тиек етті. Оған Қазақстан мен Ресейдің тату көршілестігі айқын дәлел. Қазақстанның Ресейдегі және Ресейдің Қазақстандағы күндері аясында "Орыс маусымдары", "Абай әлемі" бастамалары арқылы екі ел арасында тығыз мәдени байланыс орнаған, - деді ҚР Мәдениет және ақпарат министрі Аида Балаева.

Тараптар мәдениет саласындағы ынтымақтастыққа қатысты бірқатар өзекті тақырыптарды талқылады.

 - Достық қарым-қатынастың арқасында мәдени-гуманитарлық байланыстар жоғары деңгейде дамып, екі халықты байланыстырушы көпір болып келеді, - деді Аида Балаева Қазақстан тарапы өзара іс-қимылды нығайтуды ұсынатын бірқатар басым бағыттарды атап өтіп.

Мұражай саласындағы ынтымақтастық, тәжірибе алмасу және қазақ музей қызметкерлерінің біліктілігін арттыру ерекше қызығушылық тудырады. Қазақстанға тарихи жәдігерлер мен мәдени құндылықтарды қайтару мәселесі өзекті. Бұл Мемлекеттік қордың киномұрағаттарына да қатысты деп атап өтті ҚР Мәдениет және ақпарат министрі.

Ольга Любимова мәселені зерделеп, қолдан келген көмегін көрсетуге уәде берді.

Ол сондай-ақ «Қазақфильмге» қатысты Ресей Федерациясының Мемлекеттік кино қорының мұрағаттарын тапсырудың ерекше маңыздылығын атап өтті.

 - Бұл Қазақстан үшін ерекше мәнге ие тамаша мұра. Біз мұны жақсы түсінеміз және ұзаққа созылған мәселені шешеміз, - деді РФ Мәдениет министрі Ольга Любимова.

Сондай-ақ ол биыл 125 жылдығын атап өткен Мәскеудің Чехов атындағы халық өнер театрының гастрольдік сапарын ұйымдастыру арқылы театр саласын дамыту бойынша бірлескен жобаны жүзеге асыру мәселесін қарастыруды ұсынды.

Кездесу барысында тараптар Қазақстан-Ресей балалар шығармашылығын дамыту, балалар орталықтары мен мұражайларын құру, кітапхана ісі, шығармашылық индустрия саласында тәжірибе алмасу мүмкіндіктерін талқылады, сондай-ақ Еуразиялық кинематография өнері академиясына қатысты мәселелерді қарастырды. ТМД халықтарының мәдени фестивалі.

Сондай-ақ студенттер – археологтар мен тарихшыларды тарта отырып, ғылыми жұмыстарды жандандыру өзекті тақырыпың бірі болды.

 - Қазақстанда бірегей 12 мұражай-қорық бар. Бұл әлемге әйгілі Қожа-Ахмед Яссауи кесенесі ғана емес, халқымыздың мәдени мұрасының басқа да құнды нысандары. Біз ресейлік жас ғалымдарды осы тақырыпта оқуға, жұмыс жүргізуге және ғылыми мақалалар жазуға шақырып ғылыми волонтерлік жобаларды ұйымдастыруға мүдделіміз, - деді Аида Балаева.

Қазақстанның Мәдениет және ақпарат министрінің барлық ұсыныстарына ресейлік әріптесі ықылас пен қолдауын білдірді.

Жалпы екі министрдің кездесуінде екі ел арасындағы мәдени-гуманитарлық байланыстардың нығаюы мен дамуына үлес қосатын ынтымақтастық пен тәжірибе алмасудың маңыздылығы аталды.

Оқи отырыңыз: Тоқаев Оман Сұлтандығын төл мерекесі – Ұлттық күнімен құттықтады