Дәйдидау: Алматыда Pocketbook форматында кітап жарық көрді

Алматылық екі басылым алғаш рет кітаптарын Pocketbook форматында басып шығарады, деп хабарлайды Almaty.tv.

Енді белгілі әдебиетшілердің, жазушылардың, публицистердің мақала, эсселері қалтаға салып, жолда оқығанға ыңғайлы болады. Сондай кітаптардың алғашқысы болып танымал публицист Сағымбай Қозыбаевтың «Дәйдидау» эсселер жинағы көпшілікке ұсынылмақ. Кітапқа автордың ең үздік әңгімелері енген.

«Сағымбай Қозыбаев кез келген қиын тақырыпты қарапайым, ұғынықты етіп жазатын шеберлігін атап өткім келеді. Кітаптары өте қызық. Эсселер жинағы Pocketbook, кішкентай кітапша форматында да шығады. Бұл қалтада ұстап жүріп,  оқуға өте ыңғайлы болады деген ойдамын», – деді тәуелсіз зерттеуші Ринат Шаяхметов.