Ұлт ұстазының еңбегін келер ұрпаққа дәріптеу керек – ахметтанушылар

«Ұлт ұстазының еңбегін келер ұрпаққа дәріптеу керек» деген ахметтанушылар бүгін арнайы форум өткізді, деп хабарлайды Almaty.tv.

Алматы қалалық Қоғамдық даму басқармасының Жобалық кеңсесі ұйытқы болған конференцияға жүзге тарта студент қатысты. Журналистика және филология магистранттарының арасында өткен «Ахмет аманаты» үздік ғылыми мақала байқауы қорытындыланды.

«Форумның мақсаты – Ахмет Байтұрсынұлының мұрасы және оның насихаттау. Терең талдаулар жасаумен қатар, басқаларға да, аудиторияға түсінікті болу үшін Байтұрсынұлының қоғамдық қызметі, тұлғасы жөнінде баяндайтын боламыз», – деді А. Байтұрсынұлы атындағы тіл білімі институты директорының орынбасары Ермұхамбет Маралбек.