Алматыда актер Дархан Дайырбектің өнегелі өмірі туралы кітап жарыққа шықты

Алматыда танымал актер Дархан Дайырбектің өнегелі өмірі мен ғибратты ғұмырынан сыр шертетін естелік кітаптың тұсаукесері өтті, деп хабарлайды Almaty.tv тілшісі.

Іс-шараға қайраткердің замандастары мен әріптестері, сондай-ақ достары қатысып, өмірлік жолын өнерге арнап өткен жанның естеліктерін бөлісті. Дархан Дайырбек – мәдениет саласының дамуына өз үлесін қосып, отандық кино мәдениетінде өз қолтаңбасын қалдырған азамат.  

«Дәкеңді іздеушілердің табыларына кәміл сенеміз. Сондықтан іздеушілерге, ізденушілерге, болашақ талапты жастарға осы кітап үлкен жолашар болады деп сенеміз», – деді Д. Дайырбектің жары Айнагүл Толғанбайқызы.