|
13.10.2020 | 21:39
5119

Дәрігерлерге материалдық қолдау көрсету үшін бюджет шығысы ұлғайтылды

Ол туралы Үкімет басшысының орынбасары Әлихан Смайылов мәлімдеді

Дәрігерлерге материалдық қолдау көрсету үшін бюджет шығысы ұлғайтылды фото: syr-media.kz

Дәрігерлерге материалдық қолдау көрсету үшін бюджет шығысы ұлғайтылды. Ол туралы Үкімет басшысының орынбасары Әлихан Смайылов мәлімдеді, деп хабарлайды Almaty.tv.

Айтуынша, жыл соңына дейін медицина қызметкерлерінің алдындағы барлық міндеттер орындалады. Сонымен қатар, шығындарды ішкі оңтайландыру есебінен нақты секторды қолдауға арналған шығыстар ұлғайтылған.

«2020 жылға арналған макроэкономикалық көрсеткіштердің нақтылануы – елдегі қазіргі жағдайды және әлемдік коньюктураны ескере отырып, қалыптастырылды. Болжам өзгерістері нақты сектор өсімінің сақталуын және қызметтер саласының біртіндіп қалпына келуін қамтамасыз етуге бағытталған. Мемлекет басшысының тапсырмасына сәйкес нақтылаудың негізгі міндеті – дәрігерлерге материалдық қолдау көрсету және пандемияның таралуының ықтимал екінші толқыны бойынша алдын алу шараларын қабылдау болды. Осы міндеттерді шешу үшін бюджет шығыстары ұлғайтылды», – деді ҚР Үкімет басшысының орынбасары Әлихан Смайылов.

Сонымен қатар, Үкіметтен бөлінген 236 млрд теңгенің жартысынан көбі игерілмегені белгілі болды. Әлихан Смайылов мемлекеттік органдар мен жергілікті атқарушы органдардың басшыларына бюджет қаражатын тез арада игеру керек екенін ескертті.

«Сонымен бірге, қаржы жылының аяқталуына 55 жұмыс күні қалды. Нақтылауды ескере отырып, осы жылдың соңына дейін 4,2 млрд теңгені игеру қажет. Кейбір шығыстар бойынша әлі күнге дейін конкурстық рәсімдер аяқталмағанын көріп отырмыз. Жоспарланған бюджеттік бағдарламалардан басқа шұғыл мақсаттарға Үкімет резервінен қосымша 236 млрд теңге бөлінген. Қазіргі таңда бар болғаны оның 111 млрд теңгесі немесе 47 пайызы ғана игерілді», – деді ҚР Үкімет басшысының орынбасары Әлихан Смайылов.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир