Алматы маңында әскери-далалық госпиталь тұрғызылды

Almaty.tv

Дәріхана, операциялық блок пен жансақтау бөлімшесі бар аурухана 72 сағатта бой көтерген

Алматы маңында әскери-далалық госпиталь тұрғызылды. Науқастарды қабылдау және диагностикалық бөлімшелер, дәріхана, операциялық блок пен жансақтау бөлімшесі бар аурухана 72 сағатта бой көтерген, деп хабарлайды Almaty.tv

Жылжымалы емдеу мекемесінде Алматы мен Алматы облысындағы короновирус жұқтырғандар жергілікті ауруханаларға сыймаған жағдайда осы әскери госпитальға жатқызылады. Мұнда заманауи медициналық құрылғылар жеткілікті. Ондағылар Денсаулық сақтау министрлігінің қаулысы бойынша әрекет етеді. Госпиталь жылыту және ауа баптау жүйелерімен де қамтамасыз етіліп, тазалыққа қажетті жабдықтар мен жуыну бөлмелері де жұмыс істеп тұр.