Бейбіт Исабаев Жетісу облысының әкімі болып тағайындалды

Жетісу облысының әкімі болып Бейбіт Исабаев тағайындалды, деп хабарлайды Almaty.tv тілшісі Ақорданың баспасөз қызметіне сілтеме жасап.

"Бейбіт Өксікбайұлы Исабаев Жетісу облысының әкімі лауазымына тағайындалсын, оның Қазақстан Республикасы Парламенті Сенатының депутаттық өкілеттігі тоқтатылсын" делінген Мемлекет басшысының Жарлығында.

Өңір басшысы қызметіне екі кандидат — Іле ауданының әкімі Бағдат Қарасаев пен сенатор Бейбіт Исабаев ұсынылды. Халық қалаулыларының басым дауысына сенатор Бейбіт Исабаев ие болды. Бейбіт Исабаев 106, Бағдат Қарасаев 35 дауыс жинады.

Бейбіт Исабаев 1962 жылы 4 желтоқсанда дүниеге келген.

Білімі
1985 ж. - С.М. Киров атындағы қазақ мемлекеттік университетін журналист мамандығы бойынша бітірген.

1999 ж. – Қазақстан Республикасы Сыртқы істер министрлігінің дипломатиялық академиясын халықаралық маман деген мамандық бойынша тәмамдаған.

Еңбек жолы:

1985-1987 жж. – Қазақ ССР-ның теле-радио көрсетілім жөніндегі мемлекеттік комитетінің редакторы.

1987-1991 жж. - «Лениншіл Жас» республикалық газетінің тілшісі, бөлім меңгерушісі.

1991-1994 жж. - «Өркен», «Горизонт» газеттері редакторының орынбасары, редакторы.

1994-1995 жж. - Қазақ мемлекеттік телевидениясының бас директоры, Алматы қаласы әкімшілігі басшысының орынбасары, басшысы, Алматы қаласы әкімдігі ішкі саясат комитетінің төрағасы.

1995-1997 жж. – Алматы қаласы әкімінің орынбасары.

1997-1999 жж. – Қазақстан Республикасы Сыртқы істер министрлігі дипломатиялық академиясының тыңдаушысы.

1999-2000 жж. - Қазақстан Республикасы Сыртқы істер министрлігі әкімшілігі департаментінің директоры.

2000-2002 жж. – Қазақстан Республикасы Премьер-министрі кеңсесінің үкіметтік ақпарат бөлімінің меңгерушісі, Қазақстан Республикасы Сыртқы істер министрінің кеңесшісі, Қазақстан Республикасы Сыртқы істер министрінің ерекше тапсырмалар жөніндегі елшісі.

2002-2003 жж. - «Орта Азиялық ынтымақтастық» ұйымдастыру мәселелері бойынша Қазақстан Республикасының ұлттық үйлестіруші.

2003-2006 жж. – Қазақстан Республикасының Пәкістан Ислам Республикасындағы төтенше және өкілетті елшісі.

2006-2008 жж. - Қазақстан Республикасының Түркия Республикасындағы төтенше және өкілетті елшісі, Қазақстан Республикасының Албания Республикасындағы төтенше және өкілетті елшісі және Қазақстан Республикасы мәдениет және ақпарат вице-министрі қызметін қоса атқарған.

2008-2009 жж. - Қазақстан Республикасы Президентінің баспасөз хытшысы.

2009-2015 жж. - Қазақстан Республикасының Қырғыз Республикасындағы төтенше және өкілетті елшісі.

2015-2019 жж. - Қазақстан Республикасының Әзербайжан Республикасындағы төтенше және өкілетті елшісі.

2019 жылы Қазақстан Республикасы Президентінің Парламенттегі Өкілдігі басшысы қызметін атқарды.

2022 жылдың қаңтарынан ҚР Сенатының депутаты болды.