Жаңа маусым: «Алматы» телеарнасы жаңа сериалдың түсірілімін бастады

«Алматы» телеарнасында ҰҚК Шекара қызметі туралы жаңа сериал жарық көреді. «Академия» атты отандық туындыда курсанттардың өмірі баяндалады. Олардың шекара қызметінде бастан өткен оқиғасын қамтитын телесериал 10 бөлімнен тұрады. Сериалдың түсірілімі басталды.

– Нақты біреудің прототипі немесе нақты біреудің басынан өткен оқиға жоқ. Бірақ қазір шекарада қызмет істеген жігіттермен ақылдасып, болған оқиға желісінде түсірілді, – деді продюсер Еркебұлан Мырзабек.

Ал 25 қыркүйектен бастап дүйсенбі-жұма аралығында сағат 21:00-де  телеарна көрерменнің назарына мелодрама және комедия жанрындағы «727» телесериалын ұсынады.

Телехикаяда жастардың бүгінгі келбеті көрсетіледі. Алматыда тұратын қарапайым отбасының басынан өткен оқиға баяндалады.

Сериал барысында көрермен отбасындағы қарым-қатынастың, татулықтың маңызын ұғады. Сондай-ақ қаржылай сауат ашады.

Әр бөлім 30 минуттан тұрады. Ал 10 серияны түсіруге 1 ай уақыт кетті.

Оқи отырыңыз: «Жарты сағат Жанарбекпен»: «Алматы» телеарнасында тұсаукесер