|
20.05.2022 | 13:15
4325

Ералы Тоғжанов: 1-сыныптан бастап жаңа пән енгізіледі

Бұдан бөлек, мектептерде кәсіптік бағдар беретін мамандар болады

Ералы Тоғжанов: 1-сыныптан бастап жаңа пән енгізіледі Sputnik / Тимур Батыршин

2022-2023 оқу жылында барлық мектепте еңбекке баулу сабақтары оқытылады. Бұл туралы Сенатта өткен парламенттік тыңдауда вице-премьер Ералы Тоғжанов мәлімдеді, деп хабарлайды Almaty.tv тілшісі Sputnik Қазақстанға сілтеме жасап.

Мектепке қайта оралатын пән 1-сыныптан бастап оқытылады деген жоспар бар.

"Балаларды тәрбиелеу кезінде еңбекке баулудың маңызы зор. Оны бәріміз жақсы білеміз. Сондықтан жаңа оқу жылында 1-сыныптан бастап "Еңбекке баулу" пәні қайта енгізіледі", - дейді Тоғжанов.

Вице-премьердің айтуынша, қазіргі кезде республикадағы мектептердің 7 пайызы өз аумағында жылыжай ашқан. Үкімет осы тәжірибені кеңейтіп, жылыжайларды барлық мектепте ашуды жоспарлап отыр. Сол жерде оқушылар жұмыс істейді.

Бұдан бөлек, мектептерде кәсіптік бағдар беретін мамандар болады. Олар оқушыларға болашақ мамандықты таңдауға көмектеседі.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир