Алматыда жас архившілердің V халықаралық жазғы мектебі басталды. Іс-шара ҚР Президенті архивінің базасы негізінде өткізіліп жатыр, деп хабарлайды Almaty.tv тілшісі.
Оған Әзірбайжан, Ресей мен Армения және көршілес мемлекеттердің 300-ден аса жас мұрағатшы қатысады. Бағдарламаға сәйкес шеберлік сабақтары 17 маусымға дейін жалғасады.
«Шараның мақсаты – архив саласындағы жас мамандардың біліктілігін арттыру. Оларды жаңа заманауи технологиялар мен архив саласындағы жаңа әдістермен таныстыру. Сондай-ақ халықаралық қатынастарды дамыту болып табылады», – деді ҚР Президенті архиві оқу-әдістемелік орталығының басшысы Мұхаммед Жылгелдинов.
