Қазақстанда оқу жылы 2 аптаға ұзартылды

Қазақстанда оқу жылының ұзақтығы мен мектеп оқушыларының демалысы бекітілді. Бұйрыққа 12 тамызда Оқу-ағарту министрі Асхат Аймағамбетов қол қойды, деп хабарлайды Almaty.tv тілшісі Tengrinews.kz-ке сілтеме жасап.

Меншік нысанына және ведомствоға бағынуына қарамастан, орта білім беру ұйымдарында 2022-2023 оқу жылы 2022 жылғы 1 қыркүйекте басталады.

Оқу жылының ұзақтығы бірінші сыныпта 35 оқу аптасы, 2-11 (12) сыныптарда 36 оқу аптасы болады.

1-11 (12) сыныптарда оқу жылындағы демалыстар:

• күзгі - 7 күн (2022 жылдың 31 қазанынан 6 қарашасына дейін);
• қысқы - 9 күн (2022 жылдың 31 желтоқсанынан 2023 жылдың 8 қаңтарына дейін);
• көктемгі - 9 күн (2023 жылдың 18-26 наурызы арасында);
• бірінші сыныпта қосымша демалыс - 7 күн (2023 жылдың 6-12 ақпаны арасында). 

Бұйрық ресми жарияланған күнінен кейін он күнтізбелік күн өткен соң қолданысқа енгізіледі.