|
08.08.2019 | 15:44
2802

Білім министрі оқулықтан қате тапты

Ведомство басшысы оқулықтардың мазмұнымен арнайы танысып шыққанын да айтты

Білім министрі оқулықтан қате тапты

ҚР Ғылым және білім министрі Асхат Аймағамбетов оқулық сапасын арттыру бойынша кеңес өткізді, деп хабарлайды ҚазАқпарат.

«Жыл сайын оқулықтардың сапасына сын айтылып келеді. Ол сынның көбі орынды екенін мойындауымыз керек. Оны әріптің қате басылуы десек те, техникалық қателік десек те, қоғам ондай ақталуды қабылдамайды. Оқулық дайындау біздің міндет болғандықтан, оның сапасын да біз қамтамасыз етуіміз керек», - деді Асхат Аймағамбетов.

Ведомство басшысы оқулықтардың мазмұнымен арнайы танысып шыққанын да айтты.

«Оқулық басу жұмысы соңына жетіп қалды. Оны өңірлерге жөнелту жұмысы да басталып кетті. Қазір барлық оқулықтың 40 пайызы өңірлерге жеткізілді. Өткен жылмен салыстырсақ, бұл жақсы көрсеткіш. Дегенмен, бұл жұмысты тезірек аяқтау міндеті тұр. Мен оқулықтарды қарап, бірнеше қате таптым. Ең бастысы, мұндай қателіктерге көз жұма қарауға болмайды. Жалпы білім және ғылым министрлігі үлкен жұмыс атқарды. Бірқатар мәселелер шешімін де тауып жатыр. Дегенмен, бүгін оқулық бойынша біз проблема бар екенін ашық айтып отырмыз», - деді ол кеңесте.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

След. →
Прямой эфир