Балаларды сапалы оқытудың ажырамас бөлігі – сыныптан тыс білім беру. Бұл туралы Алматы әкімі Ерболат Досаев білім беру қызметкерлерінің тамыз кеңесінде айтты. Сондықтан 2025 жылдың соңына дейін әкімдік халықаралық стандарттарға сәйкес келетін 5 заманауи қосымша білім беру орталығын жаңғыртуды және салуды жоспарлап отыр, деп хабарлайды Almaty.tv.
"Биылғы маусымда Мемлекет басшысының қатысуымен Наурызбай ауданының балаларына арналған инновациялық шығармашылық орталығының ашылуы біздің қаламыз үшін маңызды оқиға болды. Келер аптада Алатау ауданында осындай орталық ашылады. Осы бірегей нысанның барлығы – балалардың танымдық демалысының классикалық және заманауи бағыттарының ынтымақтастығының үлгісі", - деп атап өтті Ерболат Досаев.
Оның айтуынша, "Damu bala" платформасында шығармашылық және спорттық тапсырыстарға жергілікті бюджеттен 16,2 млрд теңге бөлінген. Ал 2025 жылдың соңына қарай қабылданып жатқан шаралар есебінен тегін қосымша біліммен қамтудың өсуі 25%-ға дейін ұлғаяды, ал тегін үйірмелерге қатысатын балалар саны 60 мыңға дейін артады.
