Алматыда әйгілі тарихшы, ұлы ойшыл Мұхаммед Хайдар Дулатидің 525 жылдық мерейтойы аясында республикалық жиын өтті. Іс-шарада «Тарихи Рашиди» кітабы мен «Жаһаннама» дастанының авторы жайлы ой-пікір айтылып, ғылыми іргелі зерттеулерді жүзеге асыру мәселелері талқыланды, деп хабарлайды Almaty.tv.
Ұлттық симпозиумның мақсаты – Мұхаммед Хайдар Дулатидің түркі ойшылы ретіндегі діни-философиялық және ғылымдағы танымды қөзқарасын талқылау арқылы заман талабына сай пікірді талдау. Сонымен қатар, қазіргі Қазақстандағы әділеттілік қағидатын орнықтыру мен насихаттаудың тарихи және идеялық бастауын анықтау.
– Бұл дөңгелек үстел елімізде аталып отырған бірнеше мерекелік шараның ұлттық симпозиумы аясында өткізіліп отыр. Біздің мақсатымыз – ортағасырлық ұлы ойшылдың еліміздің мәдениет, дүниетаным тарихында алар орнын айшықтап көрсету, – деді философия ғылымдарының докторы, профессор Бақытжан Сатершинов.
Оқи отырыңыз: Шымкенттік ғалымдар аты жаман ауруды емдейтін шөп тапты
