|
14.10.2021 | 19:05
3548

Anticor Almaty ҚазҰАУ-да жұмыс кездесуін өткізді

Кездесу барысында қатысушылар жоғары білім беру саласындағы сыбайлас жемқорлыққа қарсы іс-қимыл мәселелерін талқылады

Anticor Almaty ҚазҰАУ-да жұмыс кездесуін өткізді

Anticor Almaty ҚазҰАУ-да жұмыс кездесуін өткізді, деп хабарлайды Almaty.tv тілшісі.

Кездесу барысында қатысушылар жоғары білім беру саласындағы сыбайлас жемқорлыққа қарсы іс-қимыл мәселелерін талқылады. Қоғамда сыбайлас жемқорлыққа қарсы сананы қалыптастыруға оқытушылар мен студенттердің қатысуының маңыздылығы атап өтілді.

«Университеттегі оқу процесі жастар үшін өте маңызды қадам. Өскелең ұрпақ арасында адалдық, парасаттылық және сыбайлас жемқорлыққа төзбеушілік қағидаттарын дұрыс тәрбиелеуге және дарытуға көп назар бөлінеді», – деді Сыбайлас жемқорлыққа қарсы қызмет өкілдері.

Сонымен қатар, жатақханалардағы орындарды бөлудің объективтілігі, ЖОО оқытушыларының жалақысын арттыру, сондай-ақ ауыл шаруашылығы саласындағы сыбайлас жемқорлық тәуекелдеріне талдау жүргізу кезіндегі ынтымақтастық мәселелері қаралды.  

Алматы қаласының Сыбайлас жемқорлыққа қарсы қызметінің басшысы ұлттық университеттің жатақханаларына барды. Жоғары білім беру мекемелерінде барлығы 7 мыңнан астам адам оқиды, ал университетте 3766 орынға есептелген 8 жатақхананың корпустары бар.


Студенттердің өмір сүру жағдайымен танысты, сондай-ақ бөлу процесінің ашықтығын анықтау мақсатында жатақханадан орын алу рәсіміне назар аударды.

Сондай-ақ университет студенттері мен еріктілеріне назар аударылды. Мекеме басшысы сыбайлас жемқорлыққа қарсы мәдениетті қалыптастыру тақырыптарын талқылап, студенттерді қызықтырған сұрақтарға жауап берді.

Кездесу барысында қатысушылар «Sanaly urpaq» студенттік клубына және басты мақсаты халықаралық стандарттар талаптарына сәйкес сыбайлас жемқорлыққа қарсы менеджмент жүйесін енгізу болып табылатын «ПАРАСАТ» сыбайлас жемқорлыққа қарсы мәдениетті қалыптастыру орталығына барды.

Соңында тараптар ауыл шаруашылығы саласындағы сыбайлас жемқорлық тәуекелдеріне талдау жүргізу кезінде, оның ішінде Қазақ ұлттық аграрлық зерттеу университетінің сарапшыларымен ынтымақтастық жолымен агросекторда субсидиялар бөлу кезінде ынтымақтастық туралы уағдаласты.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Прямой эфир