Алматыда Астана күніне орай оқушылар арасында зияткерлік ойын өтті

«Жарқырап жайнай бер, Астана». Алматыда осындай атаумен мектеп оқушылары арасында зияткерлік ойыны өтті, деп хабарлайды Almaty.tv.

Жеңімпаз атанғандарға балалар әдебиеті мен түрлі қызықты әңгімелер жинағы табысталды. Мерекеге орай іс-шараны Alatau Creative Hub орталығының қызметкерлері ұйымдастырып отыр. Бүгінде мұнда оқушылар бос уақытын тиімді өткізе алады. Сурет, шахмат, домбыра сынды үйірмелер тегін жұмыс істейді.

«Біздің орталықта барлық үйірме тегін, сурет, ағылшын тілі, шахмат. Оған мектеп жасындағы балалар қатыса алады. Байқауға қатысқандар арасында өзіміздің оқушылар. Оларға кітаптар мен қаламсаптар сыйлыққа табыстап жатырмыз», – деді Аlatau Сreative Hub орталығының қызметкері Аяулым Еркінбек.

«Мен Alatau Creative Hub-тағы ағылшын курсына қатысамын. Маған ол жер қатты ұнайды. Астана жыл өткен сайын құлпырып келе жатыр. Мереке құтты болсын!», – деді қатысушы Айзере Жеңіс.