Алматыда «Алтын белгі» төсбелгісіне үміткер оқушылар армандар тақтасына жазба қалдырды

Бүгін Әуезов ауданында «Алтын белгі» төсбелгісіне үміткер оқушылар армандар тақтасына жазба қалдырды. Аталған іс-шара «DREAM WAY» әлеуметтік жобасының аясында жүзеге асып отыр. Айта кетейік, Әуезов ауданы бойынша биыл 2 мың 152 түлек мектеп бітіреді. Оның 136-сы «Алтын белгіге» үміткер.

«Бізге білім мен тәрбие беріп, осы үлкен өмірге қадам басуымызға дайындап жатқан, септігін тигізіп жатқан барша жанға алғысымды айтамын оған қоса бүгін осыны ұйымдастырып жатқан қала әкімдігіне алғысым шексіз», – деді «Жаңа ғасыр» №175 мектеп-гимназиясының 11-сынып оқушысы Анель Бердікеева.