Каспий теңізінде жоғалып кеткен екі балықшының мәйіті табылды

Атырау облысында Каспий теңізінде жоғалып кеткен екі балықшының мәйіті табылды, деп хабарлайды Аlmaty.tv.

Atyrau online Telegram-арнасының жазуынша, қайғылы оқиға Құрманғазы ауданында болған.

«3 сәуірде Каспий жағасынан теңізге балық аулауға шығып, із-түзсіз жоғалып кеткен екі ер адамның денесі табылды», - делінген хабарламада.

Облыстық ТЖД мәліметінше, қаза тапқандар – 1981 және 1991 жылы туған ер адамдар. 1 сәуірде олар қайықпен Новинск каналының бойымен балық аулау үшін Каспий теңізі бағытына қарай кеткен. Содан кейін олармен байланыс үзілген.

Іздестіру шаралары бірнеше күнге созылып, тек 3 сәуірде ғана «Каспий таңы» өндірістік кооперативінің қызметкерлері жағадан 70 шақырымдай қашықтан балықшылардың мәйітін тапқан.

Қайғылы оқиғаның мән-жайы анықталып жатыр.

Оқи отырыңыз: Ақтауда орталық көшелердің бірінен әйел адамның денесі табылды