Ақтауда орталық көшелердің бірінен әйел адамның денесі табылды

Ақтаудағы орталық көшелердің бірінен әйел адамның денесі табылды, деп хабарлайды Аlmaty.tv.

Lada.kz жазуынша, оқиға туралы куәгерлер хабарлаған.

Автожол маңындағы Жеңіс саябағынан еш қимылсыз жатқан орта жастағы әйелді көрген куәгерлер полиция шақырған.

Оқиға орнына полиция қызметкерлері мен жедел жәрдем келді.

«Әйелдің қайтыс болғаны белгілі болды. Құзырлы органдар өлімнің мән-жайы мен себептері туралы түсініктеме берген жоқ», - делінген хабарламада.

Маңғыстау облыстық жедел және шұғыл медициналық жәрдем станциясының баспасөз қызметі қоңырау 15:48-де түскенін хабарлады.

Дәрігерлер 67 жастағы әйелдің биологиялық өлімін растады.

Оқи отырыңыз: Тағы да 7 жасар баланы көлік қағып өлтірді