Тышқан мен егеуқұйрыққа – жол жоқ: табиғи және қауіпсіз әдіс

Тышқандар мен егеуқұйрықтар суықтан және ыстықтан паналайтын орын іздейді. Олар адамның үйіне, тауық қорасына, сиыр немесе шошқа қорасына кіріп кетуі мүмкін. Бұл мәселемен күресудің көптеген жолдары бар. Бүгінде дүкендерде дәм-татымына қарай у мен қақпанның неше түрі сатылады, деп хабарлайды Almaty.tv.

Алайда біз сізге барынша гуманды әдісті ұсынамыз. Бұл тәсілде ешқандай у да, химикат та жоқ, тіпті ұсталған зиянкестерді жинаудың да қажеті болмайды.

Айтпағымыз – ультрадыбыстық үркіткіш туралы. Мұндай құрылғыны тауық қорасында қолданып көрген тәжірибесімен Нерехта қаласынан Ирина бөлісті.

«Мен айттым ғой, мен ескерттім! Енді крысалар қаптайды!» – дейді күйеуім бейнебақылау камерасынан түнде тауық қораға кірген ұзын құйрықты «қонақты» көріп шошыған сәтін еске алып. Иә, бұл – егеуқұйрық еді... Шок. Алғашқы ой – тауықтарды сорпаға, ал тауық қораны – сарайға айналдыру.

Иринаның айтуынша, алғашқы күні-ақ тауық қораға кірмек болған жалғыз егеуқұйрық бірден қашып кеткен. Одан кейін түні бойы орнатылған камера бірде-бір кеміргішті тіркемеген.

Оқи отырыңыз: Күннен қорғайтын көзілдірікті қалай дұрыс таңдау керек