Жетісу ауданының су құбырлары жаңартылуда

7 тамыз күні Жетісу ауданының әкімі Мақсат Қиқымов Алматы қаласы әкімі Бақытжан Сағынтаевтың тапсырмасы бойынша Баишева көшесінің тұрғындарымен кездесті. Себебі әкімдікке осы көшедегі 14 үйдің тұрғынынан шағым келіп түскен.

Кездесу барысында аудан жұртшылығы Баишева көшесіндегі су құбыры желілерінің жөндеу жобасынан тыс қалған, ал  тапсырыс беруші «Алматы су» және мердігер «Көлсай Строй» ЖШС көшенің бір бөлігі «Алматы су» балансында жоқ болғандықтан, жобаға енбей қалғанын айтты.

Қазіргі су құбыры 1960 жылы салынған  және апатты жағдайда. Осыған байланысты ұзындығы 350 метр су құбырын өткізу туралы шешім қабылданды. Құрылыс-монтаж жұмыстары ағымдағы жылдың 10 тамызында  басталып, соңында аяқталады.