Түркістан облысында теріс діни ағымды насихаттап, есірткі сақтаған азамат сотталды

50 жастағы азаматтың үйінен теріс діни ағымды насихаттайтын әдебиеттер мен марихуанаға ұқсас есірткі заттар табылған

Түркістан облысында теріс діни ағымды насихаттап, марихуана есірткі өсімдігін өсірген 50 жастағы азамат 5 жылға сотталды, деп хабарлайды Аlmaty.tv тілшісі облыстық ПД баспасөз қызметіне сілтеме жасап.

«Түркістан облысы Мақтаарал аудандық сотының шешімі бойынша, сәлафилік бағыттағы деструктивтік діни ағымының ұстанушысы марихуана есірткі затын заңсыз сатқаны үшін ҚР Қылмыстық кодексінің 297-бабы «Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу» бойынша 5 жылға бас бостандығынан айырылды», – делінген хабарламада.