Меншікті өндіріс
Біз әлеуметтік желілердеміз
БҚО-да ер адам көлікте тірідей өртеніп кетті
Қайғылы оқиға 1 қыркүйекте болған
БҚО-да жантүршігерлік жол апаты болып, ер адам көлікте тірідей өртеніп кетті, деп хабарлайды Almaty.tv тілшісі Massaget.kz-ке сілтеме жасап.
Қайғылы оқиға 1 қыркүйекте сағат 13:20-да Бөрлі-Ақсай-Жымпиты тасжолында болған. БҚО полиция департаментінің мәліметінше, тасжолдың 23-шақырымында қарама-қарсы келе жатқан екі көлік соқтығысқан.
"Алдын ала болжам бойынша, Volkswagen Passat жүргізушісі қарсы жолаққа шығып, Subaru-мен соқтығысқан", - делінген полиция хабарламасында.
Жол апатынан кейін Volkswagen өртеніп кеткен. Салонда отырған жүргізуші тірідей өртеніп кеткен. Сонымен қатар Subaru-да отырған жолаушы оқиға орнында мерт болды.
Subaru-дың жүргізушісі мен үш жолаушысы түрлі дене жарақаттарын алған. Олар ауруханаға жеткізілді. Жол апатына қатысты сотқа дейінгі тергеу жүріп жатыр.
Оқи отырыңыз: Алматы әуежайының қызметкерлері жолаушының мысығын көшеге лақтырып жіберді