Коронавирус кезінде саяхаттауға болатын елдердің тізімі

Желіде коронавирус кезінде саяхаттауға болатын елдердің тізімі пайда болды, деп хабарлайды Tengrinews.kz The Sun басылымына сілтеме жасап. 

Бұл тізімге елдер коронавирус жұқтырғандар саны аз болғандықтан енген. Оның ішінде Барбадос – COVID-19 жұқтырғандардың жалпы саны 92, Багам аралдары – барлығы 102 адам, Мэн аралы – 336 адам, Норманд аралдары – 561 адам, Мальта – 625 адам және Кипр – 958 адам.

Басылым мәліметінше, аталған елдер дер кезінде коронавирусқа қарсы шара қабылдағандықтан аурудың алдын алған.

Дүниежүзілік денсаулық сақтау ұйымының мәліметінше, 8 маусымдағы жағдай бойынша, коронавирус жұқтырғандардың саны 7 миллионнан асқан, сондай-ақ 400 мыңнан аса адам қайтыс болған.