Талдықорғанда әскери қызметкер өзінің әріптесін өлтірді деген күдікпен ұсталды

Қанды оқиға Қаратал шағын ауданында өткен жылдың 24 желтоқсан күні кешкі уақытта болған. 38 жастағы күдікті қазір уақытша ұстау изоляторында қамауда. Қазақстан Республикасы Қылмыстық кодексінің 99-бабы бойынша қылмыстық іс қозғалып, тергеу жүргізіліп жатыр, деп хабарлайды Almaty.tv тілшісі.

Ал, қаза тапқан азамат Талдықорған қаласының маңында орналасқан әскери бөлімдердің бірінде қызмет істеген. Оқиға болған жерден аңшы мылтығы, 16 калибрлі оғы табылды. Қару тәркіленіп, заттай дәлел ретінде тергеу материалдарына тіркелген.