"Жомарт жүрек" байқауына қатысуға өтінім қабылдау басталды

Қазақстан Республикасының Ақпарат және қоғамдық даму министрлігі қайырымдылық саласында маңызды қызметті жүзеге асыратын жомарт жандар мен ұйымдарды анықтау мақсатында жыл сайын өткізілетін "Жомарт жүрек" байқауына қатысуға өтінім қабылдауды бастайды, деп хабарлайды Almaty.tv тілшісі.

• «Жыл тұлғасы» – қоғам мен адамдардың қажеттіліктерін қанағаттандыру, олардың өмір сүру жағдайларын жақсарту үшін жеке ресурстарды бөлуге негізделген белсенді қайырымдылық қызметі үшін.
• «Жыл меценаты» – ғылымды, білімді, мәдениетті, өнерді, спорттық шеберлікті дамытуға, қоғам мен мемлекеттің тарихи және этномәдени игілігін сақтауға қайырымдылық көмек көрсетуге негізделген белсенді меценаттық қызметі үшін.
• «Туған өлке» – кіші отанды қолдау бойынша әлеуметтік маңызы бар жобаларды іске асырғаны үшін.
• «Жылдың үздік ұйымы» – қайырымдылық бағдарламасын тиімді іске асырғаны үшін.
• «Жылдың үздік қамқоршысы» – әлеуметтік маңызды өзгерістер мен қайта құруларға әкеп соққан кешенді қайырымдылық қызметі үшін, қайырымдылық көмегі үшін. Кәсіпкерлік қызмет субъектілері ғана лауреат бола алады. 

Өтінімдер маңызы бар қалалар мен аудандарда 30 мамырға дейін;

Ал Республикалық сыйлыққа үміткерлердің өтінімі 20 шілде мен 15 тамыз аралығында @jomartjurek.ruh.kz электронды мекенжайы бойынша қабылданады.

Жеңімпаздар 15-29 қыркүйек аралығында jomartjurek.ruh.kz сайтында дауыс беру арқылы анықталатын болады.